اعتزلت البشر ورحت هناك بعيد اكلم الحجر
يمكن يرق يمكن يحن ولا حتى يبطل زن
اااه يادنيا خداعه ليكى ميت وش
والكل بيكدب وكمان بيغش
ناس من الهموم عايزه تفرح مش طايله
وناس عماله تلف وساقيه دايره
ونلاقى فين راحت البال
وانا همى ويل وحملى يهد جبال
وعايش وراضى على الحال دا من زمان
ولا يوم شكيت ولا بكيت
دا حتى لما بحلم بقول متهيئلى وياريت
ماانا عارفه كاسى ديما فاضى
عايشه على خيالات وأوهام وكأنى جيت من الماضى
الحب عندى اسطوره
وحتى لو قصه باهته لازم تكمل الصوره
ولو حكينا عن الإخلاص بجدارة انا الاولى
بدى روحى قبل العين ومش بنسى بسهوله
مش بدعى المثالية
ولا بقول أنا قطه حلوه وشقيه
لكن أنا عايشه فى عالم لوحديى
حدوده السما والميه
ولو دبلت ورودى والكل أنكر وجودى
دى عندى مش قضيه
طالما عندى هدف وراضيه
وحياتى مش تافهه وفاضيه
دا ساعات السعاده بتكون
فى العطاء ولو بزيادة
حتى لو انت سبب
عشان تسعد اللى حواليك
كفايه ربك يكون راضى عليك
نادية السنهوري 💖
ليست هناك تعليقات:
إرسال تعليق