فرهود ياخايب صرت
وتدوهنت وتبهذلت
غرّوك بيهم صدّگت !
ياموطني وحچي السلت
@@@@@
انت الچنت تحكم حكم
راويت عدوانك ســـگم
تنگاد للصمّ والبكم!!!
ماريد أشـوفنّك متت؟
@@@@@
فرهود ياخايب صرت
وتدوهنت وتبهذلت
غرّوك بيهم صدّگت !
ياموطني وحچي السلت
@@@@@
فرهــــود تاليتك عجب
مفتـوح للهـبّ و دَبْ
مصيوب والجاني الشعب
تميّت بذياله تِعِتْ !!!
@@@@@
فرهود ياخايب صرت
وتدوهنت وتبهذلت
غرّوك بيهم صدّگت !
ياموطني وحچي السلت
@@@@@
ياشــعب حوبة هالبلـد
تصطر وحگ فرد الصمد
عفتوه غريب ابلا ســند
مثلك ينايم ما شـفت !
@@@@@
فرهود ياخايب صرت
وتدوهنت وتبهذلت
غرّوك بيهم صدّگت !
ياموطني وحچي السلت
@@@@@
يل عفتوا مصلحة الوطن
ويلليّ التهيتــوا بالفتـن
دولاب ويدور الزمن
چانونكم يصبـح خَفِتْ
@@@@@
فرهود ياخايب صرت
وتدوهنت وتبهذلت
غرّوك بيهم صدّگت !
ياموطني وحچي السلت
@@@@@
،،سلمان،، و ،،الخور،، وتجي
افلام منـهم… نرتجي ؟
والشعب نايم… هربجي
رطبه وترس حلگه يِزِتْ
@@@@@
فرهود ياخايب صرت
وتدوهنت وتبهذلت
غرّوك بيهم صدّگت !
ياموطني وحچي السلت
@@@@@
بقلمي/الشاعر محمد ابو علي البديري.
ليست هناك تعليقات:
إرسال تعليق