الاستاذ الشاعر جبار الكريم الشمري

.....القصيدة التي أنتظرتموها (محبوبي)
.... أ.الشاعر والأديب جبار الكريم الشمري

محبوبي كلش صعب شحچيلة ما ينصح
لو زعل ما ينصلح بس مثلة لا ما يصح
الطول تكمة  جسر وبرفع أبرة  الخصر
كل عيبة ناقص فكر والليل شعرة السرح
عايفني لتفه سبب الشوفني كل العجب
كلما ذكرتة  بتعب مثل اليعاني بنزح
كلشي علة حالة بقة ليهسة متغيرت
ليهسة إذا يتصل رقمك أشب لسطح
مو طبعي كلش وفي وگظيت عمري خفي
ولو عاندت چن نفي بس أحترم كل ملح
أي بعدة شوگي بحر شگد بيه تذكر طفت
مايوم شوگي نشف ولابحري صاير سفح
يجوز طاح البدن وما عندي جنة عدن
بس آني لسة أحب ووجهي كلش سمح
ترجعلي أنطر ترة رغم إلي صار وجرة
يل أنتة لية وطن معقولة خيرك يشح
عايش أنة بدنيتي وأضحك ضحك صحبتي
بس داخلي يحتضر أشهگ نفس منجرح
أتاملك من تجي ودير كل الحچي
ظهر الظلام أنكسر وي نجمة أول صبح
وأرجع أداوم عشگ حالف فلا نفترگ
طالب مهذب أنة ولستاذي يحلة الشرح
الطير لو يبتعد يوكر بعشتة ماينسة حب خلتة
بس طيري كلش وكح ما يوم شفتة سنح
بعد آني لا ما متت وتگول منة أشفت
ما أگلك شهيست مثل إلي حكمة الذبح.

أ.الشاعر والأديب
جبار الكريم الشمري