مثل دك بخفت حبك فلايروح
لو ينمسح هم يظل أثر منة
من اتمايزك اتمايز الروح
نشوة عرس لو نيشان لو حنة
اروح وياك عالم حتة لو مجروح
احس بجرحي يبرة بعالمك جنة
بكلبي ادخل ولك شسوي مسموح
يلوحدك ابد ما خيبت ظنة
علة دربك مشيت اجبال وسفوح
شنو ناكص عقل حتة انة أزل عنة
اللاح العنب كلي بعد شيلوح
الطايب عشك لا ما يعشك الونة
يليكتل جمالك تعبت لسطوح
يامة بكحل رمشك جنت اتغنة
كضيت العمر بلياك مسدوح
خل نركض سوة ليون خلنة
متغرب عبالك عايش انزوح
بس شفتك وطن ولجلك اتعنة
لا شيعة علي تعاشر المفضوح
ولا ترضة بعشكنة اهل سنة.
......جبار الشمري
ليست هناك تعليقات:
إرسال تعليق