أحلى حاجه أحس بيها
فرحتي برجوع حبيبي
بعد الغياب
تترسم فوق الشفايف
بسمتي
واحس اني طاير
في السما فوق السحاب
من لهفتي أجري واقابله
واحضنه وانسى العتاب
................
ياحبيبي كنت من غيرك
وحيد
بالي مشغول... فكري شريد
والحياه ماليها معنى
إنت بهجتها أكيد
إنت نبضي ياحبيبي
هواك بيجري جوا دمي
وفي الوريد
شايف في قربك دنيتي
بابقى مولود من جديد
..................
كلي ليك روحي فيك
كل فرحه تمر بيا بتبقى منك
كل همسة حب مني بتبقى ليك
كل نبضه في قلبي
باسمع فيها إسمك بتناديك
ياحلاوة القرب منك
ياجمال الدنيا بيك
.....................
شعر غنائي: رمضان الخربوطلي
نُشرت بصفحة الأدب بجريدة البحيرة
ليست هناك تعليقات:
إرسال تعليق