فتشت عيني علة وادم
بيها من كل شدة صوب
الستر ما تلبس أحد
التواضع أحلة ثوب
همة بين النقمة زحمة
وآنة بين العوبة روب
يجرحني حيل الهوة
لو مرني ما مهيوب
مختلف سنتر حياتي
حتة مايي أصبح يروب
فرق عن الناس گلبي
بلاية حب حتة يذوب
خدي عودتة علة سطرة
السطرني أصبح يلوب
طيبتي چنها الحقيقة
تمحي والله أكبر ذنوب
طينتي طينة حديقة
من الزرع تتوقع أتوب
مخلي كلشي بخانتة
ما عشت مرة بحروب
وحدي مالك دولة عظمى
بيها ما عندي الينوب
لو قنعت فايت عليها
ما صرت دور اللعوب
حتة تعرفني النوايب
ما طلع مني عيوب
فايز بكل محفل آني
رغم ما إني مصيوب
هذا طبعي من الله افهموا
غير ربي ثقوا ما عندي محبوب
حقي اتفاخر بروحي
أنة تاريخ وشعوب.
أ. الشاعر جبار الشمري
ليست هناك تعليقات:
إرسال تعليق