يا سيدى أمرك #عاميه بقلم/إسماعيل اسماعيل مصطفي موسى.بلبيس.شرقيه.مصر
يا سيدى أمرك
أمرك يا سيدى
مقدرش أخالفك
لأنى عارفك
النار تقيد
وتزيد لهيبى
وتحط قيدك
حديد فى ايدى
يا سيدى أمرك
أمرك ياسيدى
شايل متاعى
قلبى وجراحى
وهدوم كتير
من غير حصير
كفاية عندى
حضنك كبير
أنا قلت أهاجر
أحلام كتير
لحد عندك
أعيش أمير
وطنى وسبته
من فعل غير
حالف بقيمته
ما يكون حقير
وإنت يا قلبى
معايا طير
بلد الحبيب
فينا الأمير
أمرك يا سيدى
ماقدرش اخالفك
لأنى عارفك
حبك كبير
تقدر تزيد
بالحب كير
وأنا حبى ليك
قرب وهجير
وهجرت فيك
أوهام كتير
أنا وطنى قلبك
منين أروح
ماقدرش أسيبك
لا الروح تروح
وإن قلت أحبك
تسعد تفوح
والسعد حبك
والعطر بوح
والروح تحبك
وتزيد جروح
وأنا جرحى فيك
مالوش طبيب
أنا قلت أشوف
مرة طبيب
لقيته قال جرحك رؤوف
والقول ده عيب
وأنا أصلى زيك
مجروح نصيب
ما يشف جرحك
غير الحبيب
يعنى إنت حبى
والحب طيب
وقلبى وطنى
وفيك عجيب
وانت قربى
والنار لهيب
يا سيدى أمرك
أمرك نجيب
والحب قلبك
عشق ونصيب
والجرح منك
مالوش طبيب
ماقدرش اخالفك
لأنى عارفك
تقدر تسيب
قلبك عليا
حضن ولهيب
يا سيدى أمرك
أمرك غريب
ممنوع أشوفك
فى بلاد قريبك
بالعطر طيب
د انا حبى وطنك
ساكن فى قلبك
والقلب حبك
وده مش غريب
يا سيدى أمرك
أمرك حبيب.
يا سيدى أمرك#عامية بقلمى/إسماعيل إسماعيل مصطفى المحامى والشاعر
ليست هناك تعليقات:
إرسال تعليق