شمسوين
رافكنه الحزن ياناس
من كانون لحد تشرين
شمسوين
گضّينه العمر والله تعبانين
تَعَّبنه الوكت
وشكثر متحملين،،،
شمسوين
محّد دگ علينه الباب
وگال شمحتاجين
ولا واحد بوكت العوز
صارلنه سند،،،
ونسَّانه ضيم سنين
شمسوينًًً
شگد مرّت علينه أمراض
ياما أمراض
وفايروس الفانه هسه من الصين
شمسوين
محسوبه علينه دنيه كلهه هموم
ونتحاسب عليه
ندري هم بعدين
شمسوين،،،،،
نتحاسب أذا فضفضنه
متورطين
نسكت ندخل بنص طين
نحجي ،،،ماأظن نبقى هم عدلين
ندري الجوع يذبح
ذبحت السجين
وندري الغني،،،مايرحم المسكين
وندري الروح ملّت
واليأس مو زين
بلكي نگول تفرج
وتفرح العين
على الله الكريم دوم متوكلين
شمسوين
قاسم عبد العزيز الدوسري
ليست هناك تعليقات:
إرسال تعليق