انحبيت وانه ادريش مو حب صدك
حب العيون لخيط قلم الكحل
انظافيت وانه البير حاظن نبي
وبربعي مامش قافله ولاحبل
هفولي وانه رماد طش بالهوى
وطكطك ظرسهم ظحك وانه اشتعل
راسه اعوج البسمار شابع كفخ
بس ساتر شكد ناس من ينعدل
ونشدوني راس الخيط من ياكتر
وكتلهم توجدونه من ينغزل
وكالولي بسك ماي نوح وغرك
ماي الكصص لو فاض ما ينحمل
وكتلهم الماعاش دور الابو
خل لايسولف سالفه تلم شمل
المتراظي وي الليل بس الكمر
ونشوفه هندس ليلة الينعزل
هيج انه وي اربيعتي من احترك
حرجة ابو المكتول شاف الكتل
هزوني مو فنجان وارجع خلي
ولاانه لجدمهم سابكيت الحجل
وشبو عليه النار وانه بحلم
مشابكهم وطفاني كوه المطر
ماحصلتهم كطره من اعطشت
وانه اعله طولي واكفلهم نهر
من فاركتهم وانه ليل اهدعش
يسير علي ليله وي السهر
مو حمزه بس ريش النعام ايعرف
وطكت رمحهم كاظها من الظهر
ينثروني فوك الكاع حتى انسحك
وانه بجفاهم مانثرت الصور
مكاطفهم بملكاي عكس الحجي
بس هم كامو كاطفوني بحجر
ظنهم نسو مرغوب هالكاطفو
لوما المكاطف مايطيح الثمر
وسوو وياي سوايه ما تنمدح
عركت كصصهم من حجيت الغجر
انحبيت وانه ادريش مو حب صدك
مشابكهم وطفاني كوه المطر
******** للشاعر العميري ضرعام
ليست هناك تعليقات:
إرسال تعليق